The News Sponsor By
feature-top
feature-top

ஆன்லைன் ரம்மி போன்ற இணையவழி சூதாட்ட விளையாட்டுகளை தடை செய்யும், தமிழ்நாடு அரசின் அவசரச் சட்டத்திற்கு, ஆளுநர் ஒப்புதல் அளித்துள்ளார்.

இதுதொடர்பாக வெளியிடப்பட்ட செய்திக்குறிப்பில், இணையவழி சூதாட்டங்களில், இளையோர், தங்களது பணத்தையும், வாழ்க்கையையும் தொலைத்துவிடும் அவலத்தை தடுக்கும் விதமாக, அவசரச் சட்டம் இயற்றப்பட்டுள்ளதாக தெரிவிக்கப்பட்டுள்ளது.

இதன்படி, இணையவழி சூதாட்டங்களில் ஈடுபடுவோரையும், அவற்றை நடத்துவோரையும் தண்டிக்க வழிவகை ஏற்படும் எனக் கூறப்பட்டுள்ளது.

இத்தடையை மீறி ஆன்லைன் ரம்மி போன்ற விளையாட்டுகளில் ஈடுபடுவோருக்கு 5 ஆயிரம் ரூபாய் அபராதமும், 6 மாத சிறை தண்டனையும் விதிக்கப்படும் என்றும் தெரிவிக்கப்பட்டுள்ளது.

ஆன்லைன் ரம்மி போன்ற இணையவழி சூதாட்டங்களை நடத்துவோருக்கு 10 ஆயிரம் ரூபாய் அபராதமும், 2 ஆண்டுகள் சிறை தண்டனையும் விதிக்கப்படும் என தமிழ்நாடு அரசு எச்சரித்துள்ளது.

feature-top
feature-top